|
«مَا مِنْ مُسْلِمٍ يُشَاكُ شَوْكَةً فَمَا فَوْقَهَا إِلَّا رَفَعَهُ اللَّهُ بِهَا دَرَجَةً وَحَطَّ عَنْهُ بِهَا خَطِيئَةً»
«Қайси бир мўминга бир тикон кирса ёки ундан каттароқ мусибат етса, албатта шу билан Аллоҳ уни бир даражага кўтаради ва унинг бир хатосини туширади». (Яъни, унинг бир хатосини кечиради).
в) Аллоҳ Таоло баён қиляптики, мўмин балога сабр қилиб, истиржо айтса яъни,
إِنَّا لِلّهِ وَإِنَّـا إِلَيْهِ رَاجِعونَ
(албатта биз Аллоҳнинг (бандаларимиз) ва албатта биз У Зотга қайтгувчилармиз) деса унга улуғ савоб бўлади.
صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ
(Парвардигорлари томонидан саловот (мағфират) ва раҳмат бордур. Ана ўшалар ҳақ йўлни топгувчилардир). Нақадар улуғ савоб! Аллоҳнинг розилиги, раҳмати, ҳидояти! Бугина эмас, унинг учун мана шу дунёнинг ўзида ҳам кўп яхшиликлар бўлади.
Мана бу ҳадисни Муслим Умму Саламадан чиқарган:
«مَا مِنْ عَبْدٍ تُصِيبُهُ مُصِيبَةٌ فَيَقُولُ إِنَّا لِلَّهِ وَإِنَّا إِلَيْهِ رَاجِعُونَ، اللَّهُمَّ أَجِرْنِي فِي مُصِيبَتِي، وَاخْلُفْ لِي خَيْرًا مِنْهَا، إِلا آجَرَهُ اللَّهُ تَعَالَى فِي مُصِيبَتِهِ، وَأَخْلَفَ لَهُ خَيْرًا مِنْهَا»
«Пайғамбар с.а.в.нинг шундай деганларини эшитдим: Қайси бир бандага мусибат етса ва у, албатта биз Аллоҳникимиз ва биз Унга қайтгувчилармиз, эй Аллоҳим, мана шу мусибатимда менга ажр бер, унинг ўрнига менга ундан яхшироқ нарсани қолдир, деса Аллоҳ унга шу мусибати учун ажр бериб, унга ўша мусибатидан (йўқотган нарсасидан) кўра яхшироқ нарсани қолдиради».19 Ровий сўзида давом этади: Абу Салама вафот этганида шу гапларни Пайғамбар с.а.в. буюрганидек айтдим. Аллоҳ менга унинг ўрнига ундан яхшироғини – Пайғамбар с.а.в.ни қолдирди (берди).
3- Исломни жаҳонга олиб чиқиш йўлида балоларга учраган пайтимизда Аллоҳ бизни сабр ва намоз билан ёрдам сўрашга буюради. Саҳиҳ ривоятларга кўра, Пайғамбар с.а.в. бирор ишнинг ташвишини қилиб қолган пайтларида дарҳол намозга шошилардилар. Зеро, намоз мўминнинг хурсандлигидир. Намозда мўмин Парвардигори билан учрашиб, қалби хотиржамликка, осойишталикка тўлади.
(19) Бухорий: 5324, Муслим: 1525, Термизий: 3433, Абу Довуд: 2712.
52-бет
Бетлар:1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208